«Երեխաների, կնոջ հետ երեկ այգուց էր իջնում, բարևեց, գնաց տուն»․ նոր մանրամասներ

Առավոտյան հայտնի դարձավ, որ Երևանի ՀԱԹ Բ2 թաղամասի 91 շենքի 40-ամյա բնակիչը 9-րդ հարկից ցած է նետել երեխային, այնուհետև ինքը ցած նետվել մյուս երեխայի հետ: Հարևանների մի մասը նշում էր, որ նա իր կնոջ հետ ամուսնալուծված է եղել, շենքի լիազորն այլ բան է հայտնել։ «Նորմալ ընտանիք, լավ երեխաներ, ինքը ժամանակին ռուսական բանակում էր ծառայել, էնտեղ անցավ թոշակի, վերադարձավ Հայաստան։ Ֆինանսապես նորմալ վիճակում էին, դե ռուսական թոշակ էր ստանում բավականին բարձր․․․ Երեկ երեխաների հետ այգուց կնոջ հետ իջնում էր, բարևեց, գնաց տուն։ Ամուսնալուծված չեն եղել։ Դե ընտանիք է՝ կարող է վիճաբանություն է եղել, բայց ոչ՝ ամուսնալուծված»,- ասել է Վահրամ Այվազյանը։

Նրա խոսքով՝ դեպքի պահին կինը քնած է եղել, առավոտյան այնքան ենք թակել դուռը, մինչև արթնացել, բացել է։