2020-ի օգոստոսի 18-ից «Հումանիտար ականազերծման եւ փորձագիտական կենտրոն»-ի մասնագետները մաքրման աշխատանքներ են կատարում Կոտայքի մարզի Մայակովսկի համայնքում (Բալահովտի նախկին ռազմական պահեստների տարածքում)։ Այս մասին հայտնում են «Հումանիտար ականազերծման եւ փորձագիտական կենտրոն» ՊՈԱԿ-ից:

Աշխատանքների նպատակն է տարածքը մաքրել անցյալում ռազմական բազաների հրդեհի հետեւանքով տեղի ունեցած պայթյունից մնացած զինամթերքներից: Կատարված աշխատանքի արդյունքում հայտնաբերվել է 7 միավոր չպայթած զինամթերք՝ 4 հատ 122 մմ տրամագծով արկ, երկու` 57 մմ տրամագծով եւ մեկ` 100 մմ տրամագծով արկ:


Հայտնաբերված բոլոր չպայթած զինամթերքները ոչնչացվել են:

Աշխատանքների ավարտից հետո տարածքը պաշտոնապես կհանձնվի տեղական ինքնակառավարման մարմիններին:

2020-ի օգոստոսի 18-ից «Հումանիտար ականազերծման և փորձագիտական կենտրոն»-ի մասնագետները մաքրման աշխատանքներ են կատարում...

Posted by Հումանիտար Ականազերծման և Փորձագիտական Կենտրոն ՊՈԱԿ on 2020 թ. օգոստոսի 25, երեքշաբթի