Լեռնային Ղարաբաղի հարցով զինադադարի կնքմանը ԱՄՆ վարչակազմի բացակայությունն աղաղակող էր և Հայաստանի ժողովրդի համար աղետալի արդյունքների բերեց, Twitter-ում գրել է ԱՄՆ կոնգրեսական Բրեդ Շերմանը։
«Ռուսաստանի և Թուրքիայի կողմից աջակցվող հրադադարի պայմանները, որոնք վերջ դրեցին Արցախի և Հայաստանի նկատմամբ Ադրբեջանի սանձազերծած բռնություններին, անարդար են։ Թրամփի վարչակազմի բացակայությունը աղաղակող էր և աղետալի արդյունքների բերեց Հայաստանի ժողովրդի համար»,- գրել է կոնգրեսականը։
Նա ընդգծել է, որ նման փաստաթղթի ստորագրումն ամերիկյան առաջնորդության բացակայության հետևանք է։ Բացի այդ, Շերմանը նշել է, որ ձեռք բերված պայմանավորվածությունները չպետք է դիտարկվեն որպես հարցի վերջնական կարգավորում:
Նա նաև Պետդեպարտամենտին և ԵԱՀԿ ամերիկացի համանախագահին կոչ է արել աշխատել՝ արդար և հավասարակշռված երկարաժամկետ կարգավորման հասնելու համար։
«Արցախի ինքնորոշման իրավունքը պետք է պահպանվի»,- հավելել է նա։
The terms of the Russia and Turkey-backed ceasefire ending Azerbaijan’s unprovoked violence against #Artsakh and #Armenia are unfair. The Trump Administration’s absence was glaring and led to disastrous results for the people of Armenia. (1/3)
— Rep. Brad Sherman (@BradSherman) November 12, 2020
Ռուսաստանն «Орешник» բալիստիկ հրթիռ է արձակել Ուկրաինայի ուղղությամբ. ՌԴ նախագահ 
