ԱՄՆ պետքարտուղար Մայք Պոմպեոն հաջորդ շաբաթ Իսրայել այցի շրջանակում կայցելի Գոլանի բարձունքներ եւ Արեւմտյան ափի իսրայելական բնակավայրեր, հայտնում է Axios-ը, գրում է news.am-ը։
Դրանով Պոմպեոն կդառնա ԱՄՆ առաջին պետքարտուղարը, որը կայցելի տարածքներ, որոնք միջազգային հանրությունը համարում է Իսրայելի կողմից անօրինականորեն օկուպացված։
ԱՄՆ նախագահ Դոնալդ Թրամփը Գոլանի բարձունքների վրա Իսրայելի ինքնիշխանությունը պաշտոնապես ճանաչել է 2019 թվականի մարտին, ինչը փոխել է ԱՄՆ քաղաքականությունը, որը տարածքն օկուպացված էր համարում այն ժամանակից ի վեր, երբ Իսրայելը 1967 թվականի Վեցօրյա պատերազմում այն զավթեց Սիրիայից։
Axios-ը հայտնում է, որ Պոմպեոն, ինչպես սպասվում է, Արեւմտյան ափին կայցելի Պսագոտ բնակավայրի գինու գործարան։
Թրամփի վարչակազմը հոկտեմբերին չեղարկել էր իսրայելական բնակավայրերում գիտական, հետազոտական եւ գյուղատնտեսական նախագծերի մեջ ԱՄՆ ներդրումների սահմանափակումները։
Դաշնակիցն այսպես է լինում՝ ԱՄՆ-ն Իսրայելին զինում է, փոխանցում տեխնոլոգիաներ, ապահովում միջազգային լայն աջակցություն, թույլ չտալով նրա մեկուսացումն ու շրջափակումը: Փաստաթղթերով Հայաստանի դաշնակից Ռուսաստանն այս օրերին հայկական տարածքները հանձնում է թուրքերին՝ Ղարաբաղում իր բազան դնելու դիմաց:
Ռուսաստանն «Орешник» բալիստիկ հրթիռ է արձակել Ուկրաինայի ուղղությամբ. ՌԴ նախագահ 
