WarGonzo-ի Տելեգրամի էջը հայտնում է, որ իրենց տվյալների համաձայն, «ադրբեջանական կողմը Շուշիում գտնվող ռազմական կոնտինգենտի ռոտացիայի համար միջանցք է խնդրում Ստեփանակերտից:

«Ռուս խաղաղապահների միջնորդությամբ Ադրբեջանի ԶՈւ շարասյուների համար բացում են Ֆիզուլի-Կարմիր շուկա-Շուշի մայրուղին: Բաքվի վերահսկողության տակ անցած քաղաք հասնելը՝ չօգտվելով Արցախի տարածքից, չափազանց դժվար է։

«Դժոխքի կիրճով» ճանապարհը, որով գրոհային ջոկատները տեղափոխվում էին Շուշի, ձմռանը գրեթե անանցանելի է։ Այնպես որ, քաղաքի վերահսկողությունը նախկինի պես անվանական բնույթ է կրում»,- գրում է աղբյուրը։