Bundesliga-ի պաշտոնական կայքը ֆիլմ է նկարահանել Բորուսիայի Դորտմունդի ամառային տրանսֆերային շուկայի ամենաինտրիգային ֆուտբոլիստի` Հենրիխ Մխիթարյանի մասին:
23 ամյա հայազգի ֆուտբոլիստը նաև ամենաթանկ ձեռքբերումն է Դորտմունդի Բորուսիայի պատմության ամբողջ ընթացքում: Նա անցած խաղաշրջանում Ուկրաինայի առաջնությունում 29 խաղում դարձել է 25 գոլի հեղինակ:
Տեսանյութում Մխիթարյանի մասին իրենց կարծիքներն են հայտնում Բորուսիայի մարզիչ Յուրգեն Կլոպը, գործադիր տնօրեն Հանս Յոահիմ Վացկեն, մարզական տնօրեն Միխայել Ցորկը, ինչպես նաև թիմակիցներ Ռոման Վայդենֆելերը և Սեբաստիան Կելը:
Մանսվորապես Յուրգեն Կլոպը նշել է, որ Մխիթարյանի մեջ նա տեսնում է այն ամենը, ինչ սիրում է հարձակողական բնույթի խաղացողի մոտ` պաս, հարձակվողական ստրատեգիա և տեխնիկա: Բացի դա նա նաև նշել է Մխիթարյանի բնավորության մասին` ավելացնելով, որ նա հումորի հիանալի զգացում ունի:
Յոահիմ Վացկեն նշել է, որ իրենց համար Մխիթարյանի ձեռք բերելու ժամանակ կարևոր չի եղել գումարը:
Միխայել Ցորկը նշում է Մխիթարյանի տեխնիկայի և հիանալի ունակությունների մասին գրոհի եզրափակիչ հատվածում:
Բորուսիայի Դորտմունդի դարպասապահ Վանդերֆելերը նշում է, որ Մխիթարյանը դեռևս երիտասարդ խաղացող է և ակումբը մեծ պլաններ է կապում վերջինիս հետ:
Սեբաստիան Կելն էլ ավելացնում է, որ Մխիթարյանը շատ լավ ձեռքբերում էր ճիշտ ժամանակին: