Ադրբեջանի նախագահի թեկնածու, «Ադրբեջանահայերի ասամբլեայի» նախագահ Գրիգորի Այվազյանը հնարավոր է համարում Ադրբեջանի միավորված ընդդիմության թեկնածու Ռուստամ Իբրահիմբեկովի հետ համագործակցությունը: Այսօր կայացած ասուլիսի ընթացքում նշելով այս մասին, Գ. Այվազյանը հավելեց, որ հակասության առիթ կարող է դառնալ հայկական հարցն ու Ղարաբաղի հակամարտության շուրջ եղած տարբեր կարծիքները:
«Իբրահիմբեկովի հետ Մոսկվայում հնարավոր հանդիպումը կտա շատ հարցերի պատասխան: Շեշտը դրվելու է Ադրբեջանը բռնապետությունից ազատելու հարցը», - ն'շեց նա:
Գ. Այվազյանը նշեց, որ թեև պաշտոնապես չեն ստացել անվտանգության երաշխիքներ, իրենք պատրաստ են Բաքու մեկնելուն:
Հաղթանակի հավանականությունը մեծ համարելով, նախագահի թեկնածուն նշեց, որ թիրախը լինելու է Ադրբեջանի բազմազգ ժողովուրդը: «Շատ տեղերում հավանական եմ համարում ձայների 90 տոկոսը», - նշեց նա:
Նա անդրադարձավ նաև այն ասեկոսեներին, թե ինքը հանդիսանում է ՀՀ նախագահ Սերժ Սարգսյանի ազգակիցը: «Ես չեմ թաքցնում, որ հեռավոր ազգակցական կապ կա Ռիտա Սարգսյանի հետ, սակայն նրանց անձամբ չեմ ճանաչում», - նշեց նա:
Գ. Այվազյանի նշեց, որ խոստում է տվել, որը կատարելու է հաղթանակի դեպքում` շեշտելով, որ ի տարբերություն շատերի, ինքն իր խոստումն ի կատար կածի:
«Խոստացել եմ հաղթանակի դեպքում Բաքվի Գյուլիստան համայնքում խմել հայկական կոնյակ», - հայտարարեց Ադրբեջանի նախագահի հայ թեկնածուն:
Սուրեն Չախալյան․ Ցավոք, ֆուտբոլը դաժան է, մեկ սխալը բերում է այսպիսի արդյունքի 
