Դաշտանային ցիկլի ընթացքում կան օրեր, երբ առողջ կինը անպաշտպան սեռական հարաբերություն ունենալու դեպքում կարող է հղիանալ և կան օրեր, երբ հղիանալու հավանականությունը շատ փոքր է կամ անհնար:

Դաշտանային ցիկլի այն օրերը, երբ կնոջ հղիանալը հավանական է, անվանում են պտղաբեր օրեր: Իմանալով Ձեր պտղաբեր օրերը, դուք կարող եք  կանխել անցանկալի հղիությունը:

Դաշտանային  ցիկլի որ օրերին կինը կարող է հղիանալ: 

Իրականում կինը ի վիճակի է հղիանալու 6 օր` մեկ ամսվա մեջ: Հղիանալու համար անհրաժեշտ է, որ Ձեր վերարտադրողական ուղիներում միաժամանակ լինեն հասուն ձվաբջիջ և սերմնաբջիջ: Ձվաբջջի հասունացման համար անհրաժեշտ է մոտ 12-16 օր` հաշված դաշտանի առաջին օրից: Այսինքն` ձվազատումը տեղի է ունենում դաշտանային ցիկլի գրեթե միջնամասում 25 օրանոց ցիկլի դեպքում:

Ձվազատումից հետո ձվաբջիջը կենսունակ է 12-24 ժամվա ընթացքում: Սերմնաբջիջը կնոջ սեռական ուղիներում կենսունակ կարող է մնալ 3-5 օր: Հետևաբար, կինը կարող է հղիանալ եթե սեռկան հարաբրություն ունենա ձվազատումից 2-5 օր առաջ, ձվազատության և դրանից հետո ` 1-2 օրվա ընթացքում:

28 օրանոց դաշտանային ցիկլի փոփոխությունների ժամանակացույցը. ձվազատումը տեղի է ունենում դաշտանային ցիկլի մոտավորապես մեջտեղում: Այս պտղաբեր շրջանն ուղեկցվում է նաև հեշտոցից առատ արտադրությամբ:

 
Ստանդարտ օրերի մեթոդԵթե դուք չէք ցանկանում հղիանալ, ապա Ձեր դաշտանային ցիկլի 8-ից 16-րդ օրը Դուք պետք է ձեռնապահ մնաք սեռական հարաբերությունից կամ կիրառեք բեղմնականխման այլ միջոց, օրինակ` պահպանակ: Միաժամանակ հետևեք ձեր օրգանիզմում տեղի ունեցող փոփոխություններին, որոնք Ձեզ կհուշեն Ձեր բեղմնունակության:
 
Օրացույցային մեթոդ Գրեք ձեր դաշտանային ցիկլի տևողությունը առնվազն 6 ամսվա ընթացքում: Ինչպես հիշում եք, ձվազատումը տեղի է ունենում դաշտանային ցիկլի մեջտեղում: Դաշտանային ցիկլի ամենակարճ տևողությունից հանեք 18 օր, այդպիսով Դուք կվորոշեք առաջին պտղաբերության օրը, իսկ ամենաերկարից հանեք 10օր, ինչը ցույց կտա վերջին պտղաբեր օրից մինչև վերջին պտղաբեր օրն ընկած ժամանակահատվածը համարվում է պտղաբեր շրջան, որի ընթացքում Դուք կարող եք հղիանալ:


18plus.am