Ուղևարձի թանկացումը ժամանակավորապես կասեցնելու մասին քաղաքապետ Տարոն Մարգարյանի որոշումից անմիջապես հաջորդ օրը մի խումբ ակտիվիստներ քաղաքապետարանի դիմաց սկսեցին իրականացնել իրենց հաջորդ ակցիան, որն էլ վերածվեց անժամկետ նստացույցի:
Թե ինչը կամ ով է կանգնած այս ամենի ետևում, թե քաղաքական և թե հասարակական գործիչների կողմից տարակարծիք մեկնաբանություններ են հնչում:
Ինչպես YerevanNews.am-ի հետ զրույցում ասաց Երևանի ավագանու «Բարև Երևան» դաշինքի անդամ Ստյոպա Սաֆարյանը, խոսելով այս կամ այն պայքարի վերաբերյալ, շատերն այն համեմատության մեջ են դնում արդյունքի հետ:
Ըստ նրա, եթե անգամ այս պահին երիտասարդների պայքարի արդյունքը տեսանելի չէ, ապա նրանք ովքեր խորհուրդ են տվել դա անել, չեն կարող հստակ ասել, դա արդյունք կունենա, թե ոչ:
Ինչ վերաբերում է ակտիվիստների կողմից պաշտոնյաների նկատմամբ արված վիրավորական արտահայտություններին, Ս. Սաֆարյանը նշեց.
«Քաղաքական սատիրան չպետք է անցնի անձնական վիրավորանքների հարթություն: Դա ընդունելի չէ»:
Նշենք, որ երիտասարդ ակտիվիստները արդեն մոտ 20 օր է, ինչ քաղաքապետից պահանջում են պաշտոնանկ անել Երևանի քաղաքապետարանի տրանսպորտի վարչության պետ Հենրիկ Նավասարդյանին և «Երևանտրանս» ընկերության տնօրեն Միսակ Համբարձումյանին: Ինչպես երևում է, երիտասարդները չեն պատրաստվում հանձնվել և կշարունակեն պայքարել մինչև վերջ:
«Ֆիլմը մեծահասակները երեխաների հետ կդիտեն առանց լարվածության, լեզուն գռեհիկ չէ ու մաքսիմալ պահպանպանված է ցենզուրան». Գրիգոր Դանիելյան
