2013թ.-ին, երբ սպանվեց Դեդ Հասանը, արդեն կանխատեսելի էր, որ կսկվի երկար շարունակվող մի պատերազմ:
Քրեական հեղինակություն Դեդ Հասանի սպանությունից մինչ օրս սպանվել է արդեն 126 «օրենքով գող» և կլինեն դեռ նոր զարգացումներ: Այսօր կայացած ասուլիսի ընթացքում այս մասին նշեց քրեագետ Սերգեյ Գալոյանը, հավելելով, որ նրա սպանությունից հետո սկսվել է մի պատերազմ, որը երկար է շարունակվելու:
Նրա խոսքերով, պայքար էր գնում «թագի» համար և հավակնորդների շարքում նշվում էր նաև Արմեն Ղազարյանի անունը, որը բանախոսի խոսքերով ճանաչված է այդ աշխարհում, սակայն Դեդ Հասանի աթոռին չի ձգտում:
«Հիմնական հավակնորդը իմ կարծիքով Շակրո Մալադոյն է, որը նստած է իսպանական բանտում և գալու է նույնիսկ շաբաթներ անց», - նշեց նա: Վերջինս նաև նշեց, որ 572 «օրենքով գողեր»-ից 126-ը տվել է իր համաձայնությունը Շակրոյի` Դեդ Հասանի հավակնորդ դառնալու համար:
Հայ իրականության հետ, ըստ բանախոսի Դեդ Հասանի կապերն անմիջական են, քանի որ վերջինս կապված է եղել Հայաստանի հետ:
Բանախոսը նշեց, որ Հայաստանում մշտական բնակության «օրենքով գողեր» չկան: Նրանք Ս. Գալոյանի խոսքերով, գալիս-գնում են:
Անդրադառնալով հայ «օրենքով գողեր»-ին նա նշեց, որ վերջին «օրենքով գողը» Հայաստանում եղել է Խոյեցյանը` Խոյ մականունով: «Դա այսօրվա օրով լավ է, քանի որ քրեածին իրավիճակ չունենք: Իսկ վատ է, քանի որ սա կդառնա անվերահսկելի «քնկոտ» դաշտ և ի հայտ կգան սարսափելի դաժան մարդիկ», - նշեց նա:
Ս. Գալոյանը նշեց, որ կա 44 հայ «օրենքով գող», որոնցից մի մասը ազատության մեջ է, մյուսները` ազատազրկված և նրանցից միայն մի քանիսն են գալիս Հայաստան:
Սուրեն Չախալյան․ Ցավոք, ֆուտբոլը դաժան է, մեկ սխալը բերում է այսպիսի արդյունքի 
