Ադրբեջանի նախագահ Իլհամ Ալիևի աշխատակազմի աշխատակիցը հեռացվել է աշխատանքից պետության ղեկավարի և ՌԴ նախագահ Վլադիմիր Պուտինի հետ հանդիպման ժամանակ թույլ տված վրիպումի պատճառով: Այս մասին հայտնում է ադրբեջանական Haqqin.az գործակալությունը:
Դեպքը տեղի է ունեցել օգոստոսի 13-ին Բաքվում միջպետական պայմանագրերի ստորագրման միջոցառման ժամանակ: Արարողակարգային վարչության աշխատակիցը չի կարողացել միանգամից արտասանել Ռուսաստանի ԱԳ նախարար Սերգեյ Լավրովի անունը, ով ներկա է եղել միջոցառման ժամանակ: Նախարարը պետք է ստորագրեր երկու երկրների միջև մինչև 2015 թվականը հումանիտար ոլորտում համագործակցության ծրագիրը: Մեկնաբանելով այդ երևույթը` միջոցառման հաղորդավարը նշել է. « Փաստաթուղթը ստորագրում են ՌԴ արտաքին գործերի նախարար Սիկտի … է-է… Սերգեյ Վիկտորովիչ Լավրովին և Ադրբեջանի Հանրապետության արտաքին գործերի նախարար Էլմար Մամեդյարովը»:
Հանդիպումը հեռարձակում էր մասնավորապես Russia Today հեռուստաալիքը(վրիպումը թույլ է տրված տեսագրության 4.55 րոպեին): Որոշ հեռուստադիտողներ հաղորդավարի վրիպումը նմանեցրել են ադրբեջանական վիրավորական « սիկտիր» արտահայտությանը:
Ռուսական կողմը տեղի ունեցածը պաշտոնապես չի մեկնաբանել:
Հիշեցնենք, որ ՌԴ նախագահ Վլադիմիր Պուտինի` Ադրբեջան այցը տեղի է ունեցել օգոստոսի 13-ին:
Սուրեն Չախալյան․ Ցավոք, ֆուտբոլը դաժան է, մեկ սխալը բերում է այսպիսի արդյունքի 
