Երեւանի քաղաքապետարանի «Երեւանյան ամառ» ծրագրի առողջապահական ակցիայով օգոստոսի 16-ի դրությամբ մայրաքաղաքի բուժհաստատություններ արդեն դիմել է շուրջ 1600 քաղաքացի, որոնցից 93-ը սիրտ-անոթային խնդիրներով ուղեգրվել են մասնագիտացված հիվանդանոցներ։
Երեւանի քաղաքապետարանի տեղեկատվության եւ հասարակայնության հետ կապերի վարչությունից հայտնում են, թե Երեւանի քաղաքապետարանի ենթակայության Նորք-Մարաշ բժշկական կենտրոնում «Երեւանյան ամառ» ծրագրին այս շաբաթ լրացուցիչ օր է հատկացվել՝ հիվանդանոցի բնականոն աշխատանքը չգերբեռնելու նպատակով։ Միայն օգոստոսի 17-ին Նորք-Մարաշ բժշկական կենտրոնում հերթագրվել եւ համալիր բուժհետազոտություն է անցել շուրջ 100 քաղաքացի եւ ստացել բուժման ուղեգրեր։
Մինչեւ օգոստոսի 31-ը համաերեւանյան առողջապահական ակցիայով համաբուժարաններ դիմած քաղաքացիներն անճար բուժօգնություն կստանան, եթե անգամ հետազոտության կամ վիրահատության նշանակված ժամկետը գերազանցի ակցիայի սահմանված օրը։ Սիրտ–անոթային, գինեկոլոգիական եւ վահանագեղձի անվճար հետազոտությունների համար պետք է անձնագրով ներկայանալ սպասարկող համաբուժարան, դիմել տեղամասային բժշկին։ Լրացուցիչ հետազոտության անհրաժեշտության դեպքում քաղաքացիներն ուղեգրվում են ստացիոնար բուժման, ինչպես Երեւանի քաղաքապետարանի ենթակայության, այնպես էլ մի շարք մասնավոր հիվանդանոցներ, որոնք ակցիայի շրջանակում համագործակցում են քաղաքապետարանի հետ։
«Ֆիլմը մեծահասակները երեխաների հետ կդիտեն առանց լարվածության, լեզուն գռեհիկ չէ ու մաքսիմալ պահպանպանված է ցենզուրան». Գրիգոր Դանիելյան
