Ռուսաստանի նախագահ Վլադիմիր Պուտինը եւ Հայաստանի վարչապետի պաշտոնակատար Նիկոլ Փաշինյանը իսկապես չորեքշաբթի հանդիպման ժամանակ կքննարկեն իրավիճակը Լեռնային Ղարաբաղի շուրջ, բայց որեւէ փաստաթղթի ստորագրում չի նախատեսվում։ Այս մասին լրագրողներին ասել է պետության ղեկավարի մամուլի քարտուղար Դմիտրի Պեսկովը, տեղեկացնում է ՏԱՍՍ-ը։
Լրագրողները Կրեմլի ներկայացուցչի ուշադրությունը հրավիրել են հայկական ԶԼՄ-ների այն հրապարակման վրա, որ երկու երկրների ղեկավարները հանդիպման ժամանակ իբր կարող են դիտարկել Հայաստանի սահմանին ռուսաստանյան խաղաղապահների տեղակայման տարբերակները եւ ստորագրել համապատասխան փաստաթուղթ։
«Այդ տեղեկությունը չի համապատասխանում իրականությանը»,- ասել է Պեսկովն ի պատասխան տեղեկությունը մեկնաբանելու խնդրանքի։ «Հասկանալի է, ե՛ւ Ղարաբաղը կքննարկվի, ե՛ւ ռուսաստանցի զինվորականները, որոնք հիմա այնտեղ տեղակայված են, կքննարկվեն, ե՛ւ առհասարակ երկկողմ հարաբերությունները։ Բայց որեւէ փաստաթղթի ստորագրում չի նախատեսվում»,- ընդգծել է նա։
