Ադրբեջանի նախագահի ընտրությունների ընդդիմության ներկայացուցչի հրաժարականը կամովին չէր, այլ՝ ստիպված քայլ էր: Այսօր կայացած ասուլիսի ընթացքում այսպիսի տեսակետ արտահայտեց Ադրբեջանահայերի ասամբլեայի նախագահ, Ադրբեջանի նախագահի թեկնածու Գրիգորի Այվազյանը:
«Քիչ թե շատ արժանիներից մեկը՝ Իբրահիմ Բեկովը, հնարավորություն չի ունենա մասնակցել իր երկքաղաքացիության պատճառով: Դա իշխանության կողմից հնարավոր թեկնածուներից ձերբազատավելու հրաշալի քայլ է»,-հայտարարեց նա: Ըստ նրա, իր համար շահեկան իրավիճակ է ստեղծվում և շանսերն ավելի է աճում:
Գ. Այվազյանի խոսքերով, Ադրբեջանի ընդդիմությունը փնտրտուքների մեջ է, թե ումով փոխարինի Իբրահիմ Բեկովին:
«Մտածելու բան չունի, կարող է միավորվել մեզ հետ, այլ տարբերակ չկա, եթե իսկական ընդդիմություն են, կամ մենք կամ Ալիևը», - նշեց նա:
Անդրադառնալով Իբրահիմ Բեկովի հրաժարականի պատճառների նմանությանն իր հետ, Գ. Այվազյանը հայտարարեց, որ ունի միայն Ադրբեջանի քաղաքացիություն և հպարտ է, որ հանդիսանում է Ադրբեջանի քաղաքացի:
«Ես առաջին ադրբեջանցին եմ, որ ասել եմ, որ ծագումով հայ եմ, և առաջին հայը, ով հայտարարել է, որ ունի Ադրբեջանի քաղաքացիություն», - պարզաբանեց նա:
Խոսելով ՀՀ նախագահի այն հայտարարության մասին, որ մեզ ձեռնտու է Իլհամ Ալիևի վերընտրվելը, Գ. Այվազյանը նշեց, որ դա ավելի կսրի իրավիճակը:
«Այն, որ մեր նախագահը կողմ է նրա վերընտրվելուն, նշանակում է, որ Ադրբեջանն այնպիսի վիճակում է գտնվում, որ իր թշնամի երկրի ղեկավարը կողմ է նրա վերընտրվելուն», - այսպես մեկնաբանեց նա:
Նա նաև հայտարարեց, որ իրենց վրա բազմաթիվ ճնշումներ են փորձում գործադրել թե Բաքվից, թե Հայաստանի որոշ քաղաքական ուժերի կողմից:
«Մենք որոշել ենք առանց անվտանգության երաշխիքների մեկնել Բաքու», - հայտարարեց նա, հավելելով, որ մեկնելուց առաջ կկազմակերպվի հրաժեշտի ասուլիս:
Մեսին՝ ՄԼՍ-ի ավարտված կանոնավոր առաջնության լավագույն ռմբարկու (տեսանյութ) 
