Ադրբեջանի նախագահ Իլհամ Ալիևը նախօրեին՝ ընդունելով իր երկրում ՄԱԿ-ի մշտական համակարգող Վլադանկա Անդրեևային, հայտարարել է, որ ՅՈՒՆԵՍԿՕ-ի առաքելության այցը երկարաձգվում է հայկական կողմի դիրքորոշման պատճառով: Այս մասին հայտնում են ադրբեջանական ԶԼՄ-ները: «Նախորդ տարի մենք խնդրել էինք ՅՈՒՆԵՍԿՕ-ին գալ այստեղ ու արձանագրել հայերի հասցրած վնասը, սակայն նրանք մերժել էին մեզ: Կազմակերպության պաշտոնական ներկայացուցիչները հայտարարել էին, որ կառույցը չի զբաղվում քաղաքական հարցերով: Մինչդեռ, պատերազմից հետո, մենք ազդակներ ստացանք, որ նրանք ուզում են գալ: Իհարկե, մենք արտահայտեցինք մեր զարմացանքը, բայց՝ համաձայնեցինք, քանի որ, կարելի է ասել, 30 տարի է նրանց էինք սպասում, իսկ նրանք չէին գալիս»,- ասել է Ալիևը:
Ադրբեջանի ղեկավարի խոսքերով, առաքելությունն արդեն ստեղծվել է, սակայն հիմա էլ Հայաստանն է դեմ, այդ իսկ պատճառով նրանց այցը կրկին հետաձգվում է:
Նիկոլ Փաշինյանը պատմել է, թե ինչու է որոշել սափրվել 
