Հյուսիսային Մակեդոնիայի դեմ 2022թ. աշխարհի առաջնության ընտրական փուլի J խմբի չորրորդ տուրի հանդիպման համար Սկոպյե ժամանած ֆուտբոլի Հայաստանի ազգային հավաքականն առաջին մարզումն է անցկացրել մրցավայրում, hաղորդում է ՀՖՖ մամուլի ծառայությունը:
Հյուսիսային Մակեդոնիայի մայրաքաղաքում ազգային թիմին միացել են նաև արտասահմանում հանդես եկող ֆուտբոլիստները, այդ թվում՝ իտալական «Ռոմայի» կիսապաշտպան Հենրիխ Մխիթարյանը: Ստանիսլավ Բուչնևը, Արտյոմ Ավանեսյանը և Իշխան Գելոյանը հավաքականին կմիանան օգոստոսի 31-ին, իսկ առաջիկա խաղի համար որակազրկված Վարազդատ Հարոյանը՝ սեպտեմբերի 2-ին։
Հյուսիսային Մակեդոնիա – Հայաստան հանդիպումը տեղի կունենա սեպտեմբերի 2-ին՝ Երևանի ժամանակով 22:45-ին: Հաջորդ 2 ընտրական խաղերում Խոակին Կապառոսի գլխավորած թիմը կմրցի Գերմանիայի (սեպտեմբերի 5) ու Լիխտենշտեյնի (սեպտեմբերի 8) հավաքականների հետ:
Ռուսաստանն «Орешник» բալիստիկ հրթիռ է արձակել Ուկրաինայի ուղղությամբ. ՌԴ նախագահ 
