Դերասանուհի Մարինկա Խաչատրյանը նշում է ծննդյան օրը․ նա դառնում է 24 տարեկան։

Մարինկան այդ առիթով նոր լուսանկար է հրապարակել ու գրառում արել։ «Երջանիկ է նա, ով կարող է հավատարիմ մնալ ինքն իրեն... Ես այսօր վստահ եմ, որ ամեն ինչ ունեմ երջանիկ լինելու համար... Ես երջանիկ եմ իմ ընտանիքով, ընկերներով, աշխատանքով։ Ամեն տարի իր հետ տանում է ինչ-որ մարդկանց ու բերում նորերին… Ինձ համար իմ ծննդյան օրը միշտ եղել է եւ կլինի տոն, որովհետեւ դուք իմ կողքին եք:

 

Հ.Գ Մի տխրեք, որ 1 տարով մեծանում եք: Սիրեք այն լուսավոր օրը, երբ դուք լույս աշխարհ եք եկել, ամեն տարիք իր հետաքրքրությունն ունի։ 24 տարեկան։ Դե շնորհավոր ծնունդս»,- գրել է նա։

Օրեր առաջ հրապարակված կադրերում դերասանուհին պատկերված էր գեղեցիկ բնապատկերի ֆոնին։ Մարինկան սպորտային տաբատ ու շապիկ էր կրում, արձակել էր մազերը։ Կերպարն ամբողջացնում էին աքսեսուարները՝ արեւային ակնոց, ժամացույց։ «Ձեզ լավ օր»,- մեկնաբանություններում գրել էր երիտասարդ դերասանուհին։