Օգոստոսի 24-ին Կոմիտաս 5 հասցեի ակցիայիժամանակ ոստիկանների կողմից ակտիվիստների հասցեին հնչել են բազմաթիվ վիրավորական արտահայտություններ և արարքներ:
Այսօր կայացած մամուլի ասուլիսի ժամանակ այս մասին նշեց ակցիայի մասնակից Շողիկ Մելքոնյանը:
«Ոստիկաններից մեկը, երբ ես ինձ լավ չէի զգում, օգտվելով իմ իրավիճակից, անընդհատ հետապնդում էր ինձ և «հոգատար» ոստիկանի դեր էր խաղում: Հետևի կողմից ձեռքը դնում է վզիս, խեղդելու պես, այնքան մոտ, որ շրթունքները հպվում էին պարանոցիս», - նշեց նա, հավելելով, որ չի էլ զգացել թե ինչպես է դա եղել:
Ասուլիսի մեկ այլ մասնակից Տաթևիկ Մայիլյանն էլ նշեց, որ այդ օրերին Արաբկիրի փոխոստիկանապետ Արայիկ Պետրոսյանն իր ետևից սեռական բնույթի կոպիտ խոսքեր է ուղղել:
«Ամսի 24-ի դեպքերի ժամանակ կանանց շատ էին մոտենում, մարմնով դիպում, ականջիս ինչ-որ բան ասում», - նշեց նա, հավելելով, որ պատրաստում են նյութեր` գործերին ընթացք տալու համար:
Լուսանկարը` 168.am-ի
«Եղել են ինձ ճնշելու փորձեր, բայց ռեկտորը հասկացել է, որ դա վատ հետեւանքներ կունենա ԵՊՀ–ի համար». Արայիկ Հարությունյան 
