Ռուսական հետախուզության նախկին աշխատակցուհի և հաղորդավարուհի Աննա Չափմանը Ադրբեջանի իշխանությունների կողմից հայտարարվել է «պերսոնա նոն գրատա» Լեռնային Ղարաբաղ այցելելու պատճառով: Այս մասին հայտարարել է Ադրբեջանի ԱԳՆ մամլո քարտուղար Էլման Աբդուլաևը:
«Ադրբեջանի դիրքորոշումը այս հարցում սկզբունքային է: Այսպիսի այցելությունները առանց Ադրբեջանի համապատասխան մարմինների թույլտվության անօրինական են և կոպիտ կերպով խախտում են Ադրբեջանի պետական սահմանի մասին օրենքը»,- հայտարարել է Աբդուլաևը: Այս մասին փոխանցում է АПА գործակալությունը:
Լրատվական միջոցների համաձայն Չափմանը Ղարաբաղ է այցելել մի շարք հասարակական գործիչների և լրագրողների հետ միասին: Նրանց այնտեղ ընդունել է ԼՂՀ ԱԳ նախարար Կարեն Միրզոյանի կողմից:
Ինչպես հիշեցնում է Взгляд պարբերականը Չափմանը միակ ռուսը չէ, ում արգելել են այցելել Ադրբեջան: Այսպես օգոստոսի սկզբին Ադրբեջանում հրապարակվել է 335 օտար քաղաքացու անուն, որոնց մուտքը Ադրբեջան արգելվում է Ղրաբաղ այցելության պատճառով: Նրանց թվում կան քաղաքական և արվեստի գործիչներ, այդ թվում նաև ռուսներ:
Ռուս հաղորդավարուհին Արցախ այցելելու պատճառով հայտարարվել է պերսոնա նոն գրատա
Սուրեն Չախալյան․ Ցավոք, ֆուտբոլը դաժան է, մեկ սխալը բերում է այսպիսի արդյունքի 
