Հայաստանի կառավարությունը, Երեւանի քաղաքապետարանի առաջարկությամբ, Երեւանի Աբովյան, Բուզանդի, Եզնիկ Կողբացու եւ Արամի փողոցներով պարփակված տարածքների նկատմամբ կհայտարարի բացառիկ՝ հանրային գերակա շահ: Որոշումը կառավարությունը հիմնավորում է տարածքների անմիխթար վիճակում գտնվելու փաստով. «Տարածքը ներկայումս կառուցապատված է հին և խարխուլ, տարերայնորեն տեղակայված բնակելի տներով և շենք- շինություններով, որոնք չեն համապատասխանում հակահրդեհային, սանիտարահիգիենիկ, քաղաքաշինական նորմերին և կարող են պատճառ հանդիսանալ արտակարգ իրավիճակների»,-գրված է կառավարության որոշման մեջ:
Հարցը ներառված է ՀՀ կառավարության օգոստոսի 29-ի նիստի օրակարգում:
Ակնկալվում է որ, տարածքի նկատմամբ նոր բացառիկ` գերակա հանրային շահ սահմանելը, հնարավորություն կտա ավարտին հասցնել քաղաքաշինական ծրագրի իրականացումը, որով մասնավոր ներդրումների հաշվին Երևանի կենտրոնից կվերանա կիuախարխուլ ոչ uեյuմակայուն, ոչ բավարար խտությամբ և հիմնականում վթարային հանդիuացող բնակելի ֆոնդը և Երևան քաղաքի Պուշկինի, Տերյան, Եզնիկ Կողբացու և Հին Երևանցու փողոցներով պարփակված տարածքում կառուցապատման ծրագրի իրականացմամբ կստեղծվի ներդաշնակ կառուցապատում Հյուսիսային պողոտայի հետ:
Ըստ կառավարության որոշումը հիմնավորող փաստաթղթի՝ ներկայումս «Լոկալ Դիվելոփըրզ» ՍՊ ընկերության կողմից Պուշկինի 38 հասցեում ՀՀ կառավարության 19.02.2009թ. թիվ 168-Ն որոշման հավելված 1-ի 8-րդ կետում նշված հասցեներում գտնվող անշարժ գույքերի սեփականատերերի խնդրանքով կառուցվում է բազմաբնակարան շենք, որից և փոխհատուցման կարգով բնակարաններ և տարածքներ կստանան վերը նշված սեփականատերերը:
