Հանրային ծառայությունները կարգավորող հանձնաժողովում այս պահին էլեկտրաէներգետիկ համակարգի սակագների թեմայով աշխատանքային քննարկում է տեղի ունենում սպառողների շահերը պաշտպանող կազմակերպությունների եւ համակարգի ընկերությունների ներկայացուցիչների հետ:
Հանրային ծառայությունները կարգավորող հանձնաժողովի Սակագնային քաղաքականության վարչության պետ Աշոտ Ուլիխանյանը լրագրողների հետ զրույցում նշեց, որ սակագների վերանայման գործընթացը իրականացվում է ամեն տարի. «Այս տարի սեպտեմբերին սկսվել է սակագների վերանայման գործընթացը: Այս տարի բոլոր գործոնների ազդեցությունների ուսումնասիրությունները ցույց տվեցին, որ եթե գործող սակագները պահպանենք նույն կամարդակում, ապա հակամարգում կունենայինք շուրջ 23,8 մլրդ դրամի ֆինանսական ճեղքվածք: Հետեւաբար պետք է ստիպված սակագների բարձրացման գնանք: Միջին կշռված սակագինը 4,7 դրամով է ավելանում: Բոլոր սպառողների համար այսօր գործող սակագինը շուրջ 41 դրամ է, եւ սա 4,7 դրամով պետք է ավելանա»,-ասաց նա:
Ուլիխանյանն ասաց, որ այս հարցը քննարկվելու է ՀԾԿ հանձնաժողովի դեկտեմբերի 29-ի նիստում, եթե որոշվի, որ սակագինը բարձրացվում է, մեկ ամիս հետո մտնում է ուժի մեջ, այսինքն փետրվարի 1-ից:
Նա հավելեց, որ սոցիալապես անապահով խավի համար սակագինը չի բարձարանալու:
Ո՞վ է Դիմել Քյարամյանին՝ Աղազարյանի որդու քրգործով. հայտնի են անուններ. բացահայտում. «Ժողովուրդ» 
