Երևանի քաղաքապետ Տարոն Մարգարյանը հյուրընկալել է ՀՀ նախագահի մրցանակի համար «Լավագույն մարզական ընտանիք 2013» ամենամյա մրցույթի հանրապետական փուլին մասնակցած Երևանի 12 ընտանիքներին և նրանց շնորհակալագրեր հանձնել, տեղեկացնում է քաղաքապետարանի մամուլի ծառայությունը:
Ողջունելով հյուրերին, Տարոն Մարգարյանը նախ շնորհակալություն է հայտնել համարձակ մասնակցության, փայլուն հաղթանակի և մրցույթում Երևանը լավագույնս ներկայացնելու համար, ընդգծելով, որ քաղաքապետարանի կողմից այսօր ծրագրային հստակ քաղաքականություն է իրականացվում մայրաքաղաքում սպորտային կյանքի էլ ավելի աշխուժացման ուղղությամբ։
«Մեր նպատակն է բնակչության շրջանում ամրապնդել ֆիզիկական դաստիարակության կարևորության գաղափարը, զարգացնել մասսայական սպորտը՝ դրանով իսկ նպաստելով առողջ ապրելակերպին: Վստահ եմ, որ այս մարզասեր ընտանիքներում մեծացող երեխաները ապագայում ևս բարձր են պահելու Երևանի ու երևանցիների պատիվը»,– ասել է նա:
«Համոզված եմ, որ ձեր օրինակով մայրաքաղաքում էլ ավելի կշատանա սպորտով զբաղվող, առողջ ապրելակերպով ապրող ըտանիքների թիվը»,- ավելացրել է քաղաքապետ՝, վստահեցնելով, որ Երևանի քաղաքապետարանը պատրաստակամ է մշտապես լինել մայրաքաղաքի պատիվը բարձր պահող ընտանիքների կողքին:
ՀՀ նախագահի մրցանակի համար «Լավագույն մարզական ընտանիք 2013» հանրապետական մրցույթի եզրափակիչ փուլում Երևան քաղաքը լավագույնս ներկայացնելու և մայրաքաղաքի մարզական պատիվը բարձր պահելու համար, քաղաքապետ Տարոն Մարգարյանը շնորհակալագրեր և հուշանվերներ է հանձնել մրցույթին մասնակցած ընտանիքներին:
Հանդիպման վերջում, Երևանի թիմին՝ որպես բացարձակ հաղթողների, հանձնված ՀՀ նախագահի մրցանակ գավաթը ի պահ է տրվել Երևանի քաղաքապետարանին:
«Եղել են ինձ ճնշելու փորձեր, բայց ռեկտորը հասկացել է, որ դա վատ հետեւանքներ կունենա ԵՊՀ–ի համար». Արայիկ Հարությունյան 
