Մեծ Բրիտանիան չեղարկել է պաշտպանական արտադրանքի արտահանումը Թուրքիա․ Կանադան կհետեւի նրա օրինակին։ Այ մասին հայտարարել է Թուրքիայի արտգործնախարար Մեւլյութ Չավուշօղլուն՝ հավելելով, որ Կանադան նույնպես քննարկում է արգելքը մեղմելու հարցը։
Չավուշօղլուն այս մասին հայտարարել է Բրյուսելում կայացած մամուլի ասուլիսում, որտեղ մասնակցել է ՆԱՏՕ-ի արտգործնախարարների հանդիպմանը, հաղորդում է Yeni Şafak-ը։
Նա նաեւ հայտնել է, որ զրուցել է Մեծ Բրիտանիայի արտաքին գործերի նախարար Լիզ Թրասի հետ։
«Մեծ Բրիտանիան հանել է արտահանման սահմանափակումները։ Մեզ դա գոհացնում է»,- ասել է Չավուշօղլուն՝ նշելով, որ մտահոգիչ հարցերից մեկը հայրենական արտադրության թուրքական հինգերորդ սերնդի TF-X կործանիչի շարժիչների գնումն է։
Ավելի վաղ The Guardian-ը հայտնել է, որ Մեծ Բրիտանիան 2019թ․ հոկտեմբերին կասեցրել է Թուրքիային զենքի արտահանման լիցենզիաների տրամադրումը։
TF-X ծրագիրը, որը մեծապես կախված է արտասահմանյան տեխնոլոգիաներից, մեկնարկել է այն բանից հետո, երբ Թուրքիան դուրս է մնացել F-35 կործանիչների ծրագրից՝ ռուսական Ս-400 հրթիռային համակարգերի գնման պատճառով։
Նիկոլ Փաշինյանը պատմել է, թե ինչու է որոշել սափրվել 
