««Здравствуйте այսուհետ»,– երեկ մտնելով Աժ արտաքին հարցերի հանձնաժողովի նիստերի դահլիճ, այսպես ողջունեց հանձնաժողովի ընդդիմադիր անդամ Ալեքսանդր Արզումանյանը՝ այդ պահին դահլիճում միայնակ նստած Արտաշես Գեղամյանին։

Գեղամյանը հայերեն ողջունեց ու թերևս հասկանալով հեգնական տոնը, հավելեց. «Եթե ձեզ մոտ բան Է փոխվել...»։ Արդեն նիստի ժամանակ, երբ հանձնաժողովի ընդդիմադիր անդամներ Նիկոլ Փաշինյանը, Թևան Պողոսյանը, Ալեքսանդր Արզումանյանը համառորեն պնդում Էին, որ վարչապետը կամ ԱԳ նախարարը բացատրություն տալու համար հրավիրվեն հանձնաժողով, Գեղամյանը կրքոտ ելույթ ունեցավ։ «Ինքնիշխան երկրի ընտրված նախագահը որոշում Է կայացրել, փայլուն իրականացված многоходовая комбинация, ինչի համար շնորհակալություն պետք Է հայտնել երկրի նախագահին, որ այս իրավիճակում գտավ հիանալի լուծում։ Ուրիշ ճանապարհ չկա»,– հայտարարել է Գեղամյանը»։ Այս մասին գրում է «Հայկական ժամանակը»