Արցախի Հանրապետության Նախագահ Բակո Սահակյանը սեպտեմբերի 7-ին ընդունել է Երեւանի կոնյակի գործարանի գործադիր տնօրեն Արա Գրիգորյանին:
Հանդիպման ընթացքում քննարկվել են ձեռնարկության կողմից մեր հանրապետությունում իրականացված աշխատանքներին եւ անելիքներին առնչվող հարցեր:
Երկրի ղեկավարը Երեւանի կոնյակի գործարանի հետ համագործակցությունը համարել է հաջողված՝ ընդգծելով, որ այն նպաստում է խաղողագործության զարգացմանը հանրապետությունում: Երկուստեք նշվել է, որ համագործակցության ընդլայնման համար առկա են անհրաժեշտ նախադրյալները:
ԼՂՀ նախագահի մամլո ծառայությունից հայտնում են, որ հանդիպմանը ներկա էր նաև ԼՂՀ վարչապետ Արա Հարությունյանը:
Միրանչուկի գոլը փրկել է «Ատլանտային» պարտությունից «Ինտեր Մայամիի» դեմ խաղում (տեսանյութ) 
