ԱՄՆ-ն պետք է դուրս գա Եփրատի արեւելքից։ Այս մասին հայտարարել է Թուրքիայի նախագահ Ռեջեփ Էրդողանը` ընդգծելով, որ դա Ռուսաստանի եւ Իրանի հետ Թեհրանի գագաթաժողովի արդյունքներից մեկն է, գրում է Hurriyet-ը։
«Մի օր Ամերիկան պետք է հեռանա Եփրատի արեւելքից։ Սա Աստանայի գործընթացի գնահատականն է։ԱՄՆ-ն պետք է դուրս բերի իր զորքերը Եփրատի արեւելքից։ Սա նաեւ Թուրքիայի ակնկալիքն է»,-ասել է Էրդողանը։
Էրդողանը պնդել է, որ ԱՄՆ-ն աջակցում է Եփրատի արեւելքում Քրդստանի աշխատավորական կուսակցություն ահաբեկչական կազմակերպությանը։
«Պարոն Բայդենի հետ մեր հանդիպումներում մենք ասել ենք հետեւյալը. Դուք նրանց մատակարարում եք բեռնատարներ (զենքով լի): Դուք աջակցում եք ահաբեկչական կազմակերպություններին։ Հետո դուք մեզ ասում եք, որ մենք բոլորս միասին ենք ՆԱՏՕ-ում ահաբեկչության դեմ պայքարում։ Իսկապե՞ս մենք միասին ենք»,-հավելել է Էրդողանը։
Նա նշել է, որ Թեհրանում Իրանի նախագահ Էբրահիմ Ռայիսիի եւ ՌԴ նախագահ Վլադիմիր Պուտինի հետ շոշափել են այդ հարցը եւ համոզմունք հայտնել, որ քրդերի հարցում նույն համոզմունքն ունեն, ինչ Թուրքիան։
Նիկոլ Փաշինյանը պատմել է, թե ինչու է որոշել սափրվել 
