Անգլիական «Մանչեսթեր Յունայթեդի» հարձակվող Կրիշտիանու Ռոնալդուի գործակալ Ժորժե Մենդեշը բանակցում է Լիսաբոնի «Սպորտինգի» հետ 37-ամյա պորտուգալացի ֆուտբոլիստի հնարավոր տեղափոխության հարցով, հաղորդում է The Athletic-ը։
Ռոնալդուն ցանկանում է խզել պայմանագիրը «Մանչեսթեր Յունայթեդի» հետ եւ ստանալ ազատ գործակալի կարգավիճակ։
Ռոնալդուն արձակուրդից եւ նախապատրաստական փուլը բաց թողնելուց հետո վերադարձել է «Մանչեսթեր Յունայթեդ», բուժզննում է անցել եւ առայժմ մարզվում է անհատական ծրագրով։ Նա մանչեսթերյան ակումբի ղեկավարությանն ու մարզչական շտաբին դարձյալ հայտնել է, որ չի ցանկանում մնալ թիմում, որը հաջորդ մրցաշրջանում հանդես է գալու Եվրոպայի լիգայում։
Ռոնալդուն պրոֆեսիոնալ կարիերան սկսել է «Սպորտինգում», որը Պորտուգալիայի անցած առաջնությունում գրավել է երկրորդ տեղը եւ նվաճել Չեմպիոնների լիգայի խմբային փուլի ուղեգիր։ «Սպորտինգի» պորտուգալացի գլխավոր մարզիչ Ռուբեն Ամորիմը դեմ է Ռոնալդուի տեղափոխությանը։
Անցած մրցաշրջանում Ռոնալդուն «Մանչեսթեր Յունայթեդի» հետ բոլոր մրցաշարերում մասնակցել է 38 հանդիպման, խփել 24 գոլ, կատարել 3 գոլային փոխանցում։
Ռոնալդուն «Սպորտինգի» համակարգում հանդես է եկել 1997-2003 թվականներին, այնուհետեւ 6 տարի խաղացել է «Մանչեթեր Յունաթեդում», 9 տարի՝ Մադրիդի «Ռեալում», 3 տարի՝ Թուրինի «Յուվենտուսում», իսկ 2021-ի ամռանը վերադարձել է «Մանչեսթեր Յունայթեդ»։
«Եղել են ինձ ճնշելու փորձեր, բայց ռեկտորը հասկացել է, որ դա վատ հետեւանքներ կունենա ԵՊՀ–ի համար». Արայիկ Հարությունյան 
