ԱՄՆ-ում Tesla-ին մեղադրել են ավտոպիլոտի գովազդի համար, որը կարող էր մոլորության մեջ գցել սպառողին, հայտնում է CNN-ը։
Կալիֆոռնիայի ավտոտրանսպորտի վարչությունը (DMV) հայտարարել է, որ ընկերությունը «կեղծ կամ ապակողմնորոշիչ» պնդումներ է արել՝ վարորդին օգնության սեփական գործառույթների հետ կապված: Զեկույցում ասվում է, որ Tesla-ն առաջադեմ աջակցության համակարգերն ավտոպիլոտ է անվանել, թեեւ դրանք այդպիսիք չեն հանդիսանում։
Բողոքի մեջ նշվում է, որ տարբեր մարքեթինգային նյութեր հայտնվում էին Իլոն Մասկի կայքում «առնվազն հինգ օր»՝ 2021 թ. մայիսից մինչեւ 2022 թ. հուլիսը։ Գովազդներում օգտագործվում էին «ավտոպիլոտ» եւ «լիովին ինքնուրույն օգնության համակարգ» ձեւակերպումները։ Tesla-ի մեկ այլ հայտարարության մեջ ասվում է, որ ընկերության «համակարգը նախատեսված է կարճ եւ երկար ուղեւորությունների համար՝ առանց որեւէ գործողության վարորդի նստատեղի վրա գտնվող անձի կողմից»:
Tesla-ն մեկնաբանելու խնդրանքին չի պատասխանել. հայտնի չէ՝ արդյո՞ք կորպորացիան որեւէ կերպ արձագանքել է DMV-ի հայտարարությանը: Ընկերությունը բողոքին պատասխանելու համար ունի 15 օր, հակառակ դեպքում կարգավորողը միակողմանի կարգով որոշում կկայացնի։ DMV-ն կարող է հետ կանչել Կալիֆոռնիայում ավտոմեքենաների արտադրության եւ վաճառքի լիցենզիան կամ ստիպել էլեկտրաքարերի արտադրողին փոխել գովազդը:
Ո՞վ է Դիմել Քյարամյանին՝ Աղազարյանի որդու քրգործով. հայտնի են անուններ. բացահայտում. «Ժողովուրդ» 
