Հայաստանում հայտարարված սգո օրերի առնչությամբ արտաքին գործերի նախարար Արարատ Միրզոյանի հանձնարարությամբ ՀՀ բոլոր դիվանագիտական և հյուպատոսական ներկայացուցչություններում բացվել են սգո մատյաններ։ Այս մասին «Արմենպրես»-ին հայտնել է ԱԳՆ մամուլի խոսնակ Վահան Հունանյանը:
«Ի հիշատակ 2022 թվականի օգոստոսի 14-ին «Երևանի պահածոների գործարան» ՓԲԸ-ի (Սուրմալու առևտրի կենտրոն) տարածքում տեղի ունեցած հրդեհի և պայթյունի հետևանքով զոհված քաղաքացիների՝ ՀՀ֊ում հայտարարված սուգի կապակցությամբ ԱԳ նախարար Արարատ Միրզոյանի հանձնարարությամբ ՀՀ բոլոր դիվանագիտական և հյուպատոսական ներկայացուցչություններում բացվել են սգո մատյաններ»,- հայտնեց ԱԳՆ մամուլի խոսնակը:
Հիշեցնենք, որ այսօր՝ օգոստոսի 17-ին եւ վաղը՝ օգոստոսի 18-ին, Հայաստանի եւ Արցախի Հանրապետություններում հայտարարվել է սգո օր՝ ի հիշատակա «Սուրմալու» առեւտրի կենտրոնի ողբերգականա պայթյունի հետեւանքով զոհված քաղաքացիների։
Նիկոլ Փաշինյանը պատմել է, թե ինչու է որոշել սափրվել 
