Իրանում Արաբական Միացյալ Էմիրությունների դեսպան Սեյֆ Մուհամեդ Ալ Զաաբին առաջիկա օրերին կանցնի իր պարտավորությունների կատարմանը, հայտնում է Reuters լրատվական գործակալությունը՝ հղում տալով Արաբական Միացյալ Էմիրությունների ԱԳՆ-ին։
«Այս որոշումը համահունչ է Իրանի հետ հարաբերություններն ամրապնդելու ԱՄԷ-ի ջանքերին», - ասվում է նախարարության տարածած հայտարարության մեջ։
Նշենք, որ ԱՄԷ-ի եւ Իրանի հարաբերությունները վատթարացել են 2016 թվականին, երբ ԱՄԷ-ն դեմ է արտահայտվել Իրանի միջուկային ծրագրին: 2016 թվականի հունվարին երկիրը հետ է կանչել իր դեսպանին Իրանից՝ իր գործողությունները բացատրելով «արաբական երկրների գործերին Իրանի միջամտությամբ»։ Երկրների միջեւ հարաբերությունները սկսել են բարելավվել 2021 թվականին, իսկ 2022 թվականի մայիսին ԱՄԷ նախագահ Շեյխ Մուհամմեդ բն Զայեդ Ալ Նահյանը հանդիպել է Իրանի իսլամական Հանրապետության արտգործնախարար Հոսեյն Ամիր Աբդոլլահյանի հետ։
Նիկոլ Փաշինյանը պատմել է, թե ինչու է որոշել սափրվել 
