SHAMSHYAN.com-ի տեղեկություններով՝ այսօր՝ օգոստոսի 22-ին, կեսօրին քրեական անցյալ ունեցող անձանց միջեւ ծեծկռտուք է տեղի ունեցել Երեւանի կենտրոնում:
Ինչպես հաղորդում է կայքը, Երեւանի ընդհանուր իրավասության Կենտրոն եւ Նորք-Մարաշ դատարանում այսօր տեղի էր ունենում դատական նիստ, որը նախագահում էր դատավոր Ջոն Հայրապետյանը:
Դատարանի բակում էին հավաքված եղել ամբաստանյալներ Գրիգոր Գրիգորյանի եւ Գրիգոր Պետրոսյանի ընկերներն ու համակիրները, որոնց մեջ է եղել քրեական աշխարհում հայտնի «Ֆազ» մականվամբ Արթուրը: Երբ փողոցով անցնելիս է եղել մեկ այլ քրեական պատմություններով հայտնի Ռուստամ Ստեփանյանը, ով հանրությանն ավելի շատ հայտնի է «Չաղ Ռուստամ» մականվամբ, դատարանի բակում միմյանց հասցեին հնչել են փոխադարձ մեղադրանքներ, որը հետո վերածվել է ծեծկռտուքի: Դատարանի բակից մի քանի ավտոմեքենաներ տեղափոխվել են ոստիկանության Էրեբունու բաժնի պահպանվող հատուկ տարածք:
Կայքի տեղեկություններով, դեպքի փաստով ՀՀ քննչական կոմիտեում նախաձեռնվել է վարույթ:
Մի քանի անձինք, ովքեր դիմել են փախուստի, ոստիկանների կողմից որոնվում են:
Կայքի տեղեկություններով, Ռ. Ստեփանյանը՝ «Չաղ Ռուստամը, ով եղել է զրահապատ ավտոմեքենայով, որը Maybach է, ներկայացել է Էրեբունու բաժին, իսկ «Ֆազն» ու մի քանի հոգի դիմել են փախուստի:
Նիկոլ Փաշինյանը պատմել է, թե ինչու է որոշել սափրվել 
