Կիեւում պայթյուններ են որոտացել, ինչի ֆոնին որոշ Telegram-ալիքներում, մասնավորապես՝ քարոզչական, սկսել են գրել Բելառուսից, իբր, հարձակման մասին, հաղորդում է ՈՒՆԻԱՆ-ը:
Իրականում մայրաքաղաքում եւ մարզում պայթյունների ձայները կապված չեն ռազմական գործողությունների հետ։
Իրավիճակը մեկնաբանել է գեներալ-լեյտենանտ, շտաբի պետ, Ուկրաինայի զինված ուժերի ցամաքային զորքերի հրամանատարի տեղակալ Ալեքսանդր Պավլյուկը։ Նա հանգստացրել է ուկրաինացիներին։
«Պայթյունների ձայները, որոնք կարելի էր լսել Կիեւում եւ մարզում, ռուսական բոտերի ֆաբրիկան ակտիվորեն օգտագործում է որպես խուճապը հրահրելու միջոց»,-ասել է նա՝ նշելով, որ հյուսիսից թշնամու հարձակողական գործողություններ դեռ չկան։
«Պայթյունները կապված չեն օդային սպառնալիքի կամ հակաօդային պաշտպանության աշխատանքի, ինչպես նաեւ ցանկացած ռազմական գործողությունների հետ: Եթե սպառնալիք լիներ, դուք կլսեիք տագնապի ազդանշանը»,-հավելել է Պավլյուկը։
«Եղել են ինձ ճնշելու փորձեր, բայց ռեկտորը հասկացել է, որ դա վատ հետեւանքներ կունենա ԵՊՀ–ի համար». Արայիկ Հարությունյան 
