Թուրքիայի Ազգային հանրապետական կուսակցության (ԱՀԿ) անդամները սպառնալիքներ են ստանում թուրքական մասնավոր ռազմական SADAT ընկերության ներկայացուցիչներից, գրում է News.ru-ն։
Հաղորդվում է, որ թուրքական TV100 հեռուստաալիքով ԱՀԿ-ի առաջնորդ Քեմալ Քըլըչդարօղլուի հետ հարցազրույցը հանկարծ ընդհատվել է SADAT-ի գովազդի հեռարձակմամբ, որը կոչվում է նաեւ Թուրքիայի նախագահ Էրդողանի անձնական բանակ։ Քըլըչդարօղլուն սա հերթական սպառնալիք է համարել իշխող կուսակցության կողմից, որից հետո 2022 թվականի հունիսին հայց է ներկայացրել մասնավոր ռազմական ընկերության դեմ։ Նշվում է, որ SADAT-ը հերքել է մեղադրանքները։
«SADAT կիսառազմական կազմակերպությունը ստեղծվել է թուրքական օրենքների շրջանակներում՝ հանցագործություններ կատարելու նպատակով, եւ այն հանցավոր կառույց է»,- մեջբերում է հրատարակությունը ԱՀԿ-ի ղեկավարի տեղակալ Բյուլենթ Թեզջանին։ Քաղաքական գործչի խոսքով՝ SADAT-ը Էրդողանի աջակցությամբ զբաղվում է զենքի առեւտրով, ինչպես նաեւ ահաբեկիչների պատրաստմամբ։
Թուրքիայի նախագահ Ռեջեփ Թայիփ Էրդողանի խոսքով՝ SADAT-ը 2012 թվականին ստեղծված ընկերություն է, որը զբաղվում է ռազմական գործունեությամբ եւ աշխատում է «նախկին գաղութատիրական պետություններում»։ Թուրքիայի ղեկավարն այս մասին խոսել է 2022 թվականի մայիսին՝ հերքելով ընդդիմության հայտարարություններն ընկերության հետ իր իբր ունեցած կապերի եւ նրա ղեկավարությանը հովանավորելու մասին։
Ո՞վ է Դիմել Քյարամյանին՝ Աղազարյանի որդու քրգործով. հայտնի են անուններ. բացահայտում. «Ժողովուրդ» 
