2022թ–ին հայաստանյան անշարժ գույքի շուկայում ակտիվություն են առաջացրել ոչ միայն տեղացիների, այլև օտարերկրացիների կատարած գործարքները։
ՀՀ անշարժ գույքի կադաստրի կոմիտեի հրապարակած տվյալների համաձայն` 2022-ին Հայաստանում անշարժ գույքի 204 910 գործարքներից 4936-ը կատարել են օտարերկրյա քաղաքացիները, գրում է «Sputnik Արմենիան»:
Նրանք վերջին 1 տարում Հայաստանում 1763 անշարժ գույք են գնել, 2968–ը` վաճառել։ Եվս 187 գործարքներում և՛ գնորդը, և՛ վաճառողը օտարերկրյա քաղաքացիներ են եղել։
Պաշտոնական վիճակագրության համաձայն` Հայաստանում անշարժ գույք գնած ու վաճառած օտարերկրացիների շարքում առաջին տեղում եղել են ՌԴ քաղաքացիները։ Նրանք գնել են 1207, վաճառել 2380 գույք։
Հատկանշական է, որ ՌԴ քաղաքացիները գրեթե կրկնակի շատ վաճառք են իրականացրել, քան գնում։
Երկրորդ տեղում ԱՄՆ–ն է, որի քաղաքացիները 2022-ին Հայաստանում գնել են 240 անշարժ գույք, վաճառել 274–ը։
Երրորդ տեղում եվրոպական երկրների քաղաքացիներն են, որոնք անցած տարի 245 միավոր գույք են գնել, վաճառել 198-ը։
ԱՊՀ երկրների քաղաքացիները գնել են 77, վաճառել 160 միավոր անշարժ գույք, Իրանի քաղաքացիները գնել են 84, վաճառել 67 անշարժ գույք։
Գույքի տեսակների շարքում գերակշիռ մասը բնակարաններն են, հողամասերն ու բնակելի տները։ Արտադրական ու հանային նշանակության շինությունները վերջին տեղում են։
Նիկոլ Փաշինյանը պատմել է, թե ինչու է որոշել սափրվել 
