2022 թվականին Եվրասիական զարգացման բանկը Հայաստանում մասնավոր նախագծեր է ֆինանսավորել՝ մոտ 100 մլն դոլար ընդհանուր գումարի։ Այս մասին մարտի 13-ին ԱԺ ֆինանսավարկային եւ բյուջետային հարցերի մշտական հանձնաժողովի նիստում «2022 թվականին Հայաստանի Հանրապետության կառավարության ծրագրի (2021-2026) կատարման ընթացքի եւ արդյունքների մասին» զեկույցի ներկայացման ժամանակ ասաց էկոնոմիկայի նախարար Վահան Քերոբյանը։
Մասնավորապես, այդ վարկերից մեկը՝ մոտ 30 մլն դոլարի չափով, տրվել է «Տաշիր» ընկերությունների խմբին։ Միջոցները ծախսվել են բիզնեսում ավտոմատացման համակարգերի ներդրման վրա։
«ՄյուսՄեկ այլ վարկ՝ արդեն 37 մլն դոլարի չափով, տրամադրվել է New Energy ընկերությանը։ Դրանք գնացել են 11 արեւային էլեկտրակայանների կառուցմանը՝ մինչեւ 65 ՄՎտ ընդհանուր հզորությամբ։ Երրորդ վարկը (25 մլն դոլար) ստացել է Yeremyan Projects-ը։ Գումարը ծախսվել է ագրոարդյունաբերական համալիրի կառուցման վրա»,- ասաց Քերոբյանը։
Բացի այդ, ինչպես նշեց նախարարը, ԶԵԱԲ-ն, որպես ամերիկա-կանադական Lydian ընկերության պարտատեր, փետրվարի 22-ին հուշագիր է ստորագրել Ամուլսարի ոսկու հանքավայրի զարգացման ծրագրին մասնակցելու մասին։ Վարկի ծավալը կկազմի 100 մլն դոլար։
Նիկոլ Փաշինյանը պատմել է, թե ինչու է որոշել սափրվել 
