Ամերիկացի գիտնական Էլիզեր Յուդկովսկին զգուշացրել է արհեստական ինտելեկտի պատճառով Երկրի վրա բոլոր մարդկանց կյանքին սպառնացող վտանգի մասին և Time-ի հոդվածում կոչ է արել անջատել ցանկացած նեյրոնային ցանց՝ մարդկությանը փրկելու համար:
«Բավական չէ դադարեցնել AI-ի զարգացումը. Պետք է փակել այս ամենը»,- նշել է մասնագետը` հավելելով, որ գործարարներ Իլոն Մասքը և Սթիվ Վոզնյակը բավական լուրջ չեն վերաբերվում իրավիճակին։
«Այս խնդիրների մեջ ընկղմված շատ հետազոտողներ, այդ թվում՝ ես, ակնկալում են, որ գերմարդկային ինտելեկտուալ ինտելեկտի ստեղծման ամենահավանական արդյունքը ցանկացած պարագայում, որը նման է ներկայիս իրավիճակին, կլինի այն, որ Երկրի վրա բառացիորեն բոլորը կմահանան», – ընդգծել է Յուդկովսկին:
Նրա խոսքով՝ արհեստական ինտելեկտը թքած ունի խելացի կյանքի վրա ընդհանրապես, մարդկությունը դեռ հեռու է նման տեխնոլոգիաների ներդրումից։
Գիտնականն առաջարկել է անժամկետ արգելել արհեստական ինտելեկտի օգտագործումն ամբողջ աշխարհում, այդ թվում՝ կառավարությունների և զինվորականների համար։ Նա ընդգծել է, որ տվյալ երկրում GPU կլաստերի կառուցման վերաբերյալ հետախուզական տվյալներ ստանալիս անհրաժեշտ է պատրաստ լինել օդային հարվածի միջոցով տվյալների կենտրոնի ոչնչացմանը։
Ավելի վաղ ձեռնարկատեր Իլոն Մասկը, Apple-ի համահիմնադիր Սթիվ Վոզնյակը և բարձր տեխնոլոգիաների և արհեստական ինտելեկտի ոլորտի հազարից ավելի փորձագետներ բաց նամակ են ստորագրել՝ կոչ անելով դադարեցնել նեյրոնային ցանցերի ուսուցումը ռիսկերի պատճառով։ Նամակում ասվում է, որ մարդու նման արհեստական ինտելեկտով տեխնոլոգիան կարող է զգալի վտանգ ներկայացնել հասարակության և մարդկության համար:
Նիկոլ Փաշինյանը պատմել է, թե ինչու է որոշել սափրվել 
