ՌԴ նախագահ Վլադիմիր Պուտինը հայտարարել է, որ Ռուսաստանի Դաշնության և ԱՄՆ-ի հարաբերությունները, որոնցից կախված է համաշխարհային անվտանգությունն ու կայունությունը, խորը ճգնաժամ են ապրում, գրում է «ՌԻԱ Նովոստին»։
«Ռուսաստանի և Ամերիկայի Միացյալ Նահանգների հարաբերությունները, որոնցից ուղղակիորեն կախված են համաշխարհային անվտանգությունն ու կայունությունը, ցավոք սրտի, խորը ճգնաժամի միջով են անցնում։ Այն հիմնված է ժամանակակից աշխարհակարգի ձևավորման սկզբունքորեն տարբեր մոտեցումների վրա»,- արարողության ժամանակ ասել է Պուտինը։
«Մենք միշտ հանդես ենք եկել ռուս-ամերիկյան հարաբերությունների կառուցման օգտին բացառապես հավասարության, միմյանց ինքնիշխանության և շահերի հարգման և ներքին գործերին չմիջամտելու սկզբունքների հիման վրա: Մենք սրանով կառաջնորդվենք նաև ապագայում»,- ասել է Պուտինը։
Ռուսաստանի նախագահ Վլադիմիր Պուտինը նաև ասել է, որ ԱՄՆ-ի՝ իր արտաքին քաղաքականության մեջ գունավոր հեղափոխություններին աջակցելը, այդ թվում՝ Ուկրաինայում, հանգեցրեց այսօրվա ճգնաժամին։
«ԱՄՆ կողմից արտաքին քաղաքականության մեջ այնպիսի գործիքների օգտագործումը, ինչպիսիք են... գունավոր հեղափոխություններին աջակցությունը, 2014 թվականին Կիևում պետական հեղաշրջմանն այս առումով աջակցությունը, ի վերջո հանգեցրեց այսօրվա ուկրաինական ճգնաժամին: Եվ լրացուցիչ բացասական ներդրում է ունեցել ռուս-ամերիկյան հարաբերությունների դեգրադացման գործում»,- ասել է Պուտինը։
Չորեքշաբթի օրը երկրի ղեկավարն ընդունում է օտարերկրյա պետությունների նոր դեսպանների, այդ թվում՝ ԱՄՆ-ի, ԵՄ-ի, Սիրիայի, Դանիայի, Նորվեգիայի, Իրաքի և Աբխազիայի դիվանագետների հավատարմագրերը:
«Ֆիլմը մեծահասակները երեխաների հետ կդիտեն առանց լարվածության, լեզուն գռեհիկ չէ ու մաքսիմալ պահպանպանված է ցենզուրան». Գրիգոր Դանիելյան
