Ֆրանսիայի չեմպիոն ՊՍԺ-ի եւ աշխարհի չեմպիոն Արգենտինայի հավաքականի 35- ամյա հարձակվող Լիոնել Մեսին թիմի գլխավոր մարզիչ Կրիստոֆ Գալտիեից կամ մարզական տնօրեն Լուիշ Կամպուշից թույլտվություն չի ստացել Սաուդյան Արաբիա մեկնելու հարցում, հաղորդում է ֆրանսիական L'Equipe-ը։
Ֆրանսիայի առաջնության 33-րդ տուրի խաղում «Լորիանին» 1:3 հաշվով պարտվելուց հետո Մեսին գործնական այցով մեկնել է Սաուդյան Արաբիա, թեեւ հաջորդ օրը թիմը մարզում է ունեցել։ Մեսին Սաուդյան Արաբիայի տուրիստական գերատեսչության դեսպանն է եւ արդեն երկրորդ անգամ է այդ նպատակով այցելում այդ երկիր։
Մեսիի պայմանագիրը ՊՍԺ-ի հետ կավարտվի հունիսին։ Համագործակցությունը երկարաձգելու վերաբերյալ համաձայնության կողմերը չեն հասել։
Ընթացիկ մրցաշրջանում Մեսին փարիզյան թիմի հետ մասնակցել է 37 հանդիպման, խփել է 20 գոլ, կատարել 19 գոլային փոխանցում։
I am happy to welcome #Messi and his family to Saudi to enjoy the magical tourist destinations and authentic experiences.
We welcome visitors from all around the world to experience a unique trip to Saudi Arabia and its hospitality.
Ռուսաստանն «Орешник» բալիստիկ հրթիռ է արձակել Ուկրաինայի ուղղությամբ. ՌԴ նախագահ 
