Փոխվարչապետ Մհեր Գրիգորյանն ընդունել է «Գազպրոմ Արմենիա» ՓԲԸ տնօրենների խորհրդի նախագահ, «Գազպրոմ» ՀԲԸ վարչության նախագահի տեղակալ Վիտալի Մարկելովին: Հանդիպմանը ներկա էր նաև «Գազպրոմ Արմենիա» ՓԲԸ վարչության նորանշանակ նախագահ-գլխավոր տնօրեն Աշոտ Հակոբյանը:
Կառավարությունից NEWS.am-ին հայտնում են, որ հանդիպման սկզբում Վիտալի Մարկելովը ներկայացրել է փոխվարչապետին «Գազպրոմ Արմենիա» ՓԲԸ վարչության նորանշանակ նախագահին: Փոխվարչապետ Մհեր Գրիգորյանը մաղթել է վերջինիս արդյունավետ աշխատանք՝ նշելով, որ Կառավարությունը բարձր է գնահատում «Գազպրոմ» ընկերության հետ համագործակցությունը և կարևորում ընկերության կողմից Հայաստանում իրականացվող ներդրումային ծրագրերը:
Զրուցակիցները քննարկել են էներգետիկ ոլորտում Կառավարության կողմից նախատեսված բարեփոխումները, մտքեր փոխանակել հետագա համագործակցության շուրջ:
Ո՞վ է Դիմել Քյարամյանին՝ Աղազարյանի որդու քրգործով. հայտնի են անուններ. բացահայտում. «Ժողովուրդ» 
