«Սեւիլիան» 7-րդ անգամ նվաճեց Եվրոպայի լիգայի (ՈւԵՖԱ-ի գավաթի խաղարկություն) գավաթը։
Հունգարիայի մայրաքաղաք Բուդապեշտում տեղի ունեցած եզրափակիչում իսպանական թիմը հետխաղային 11-մետրանոցներով հաղթեց իտալական «Ռոմային»։ Հիմնական ժամանակն ավարտվեց ոչ ոքի՝ 1:1:
Առաջին խաղակեսում նվազագույն հաշվով հաղթեց պորտուգալացի Ժոզե Մոուրինյոյի գլխավորած թիմը։
35-րդ րոպեին աչքի ընկավ աշխարհի չեմպիոն Արգենտինայի հավաքականի եւ «Ռոմայի» հարձակվող Պաուլո Դիբալան (տեսանյութ)։ Նրան գոլային փոխանցում կատարեց իտալացի պաշտպան Ջանլուկա Մանչինին։
55-րդ րոպեին «Սեւիլիայի» իսպանացի պաշտպան Խեսուս Նավասի սուր փոխանցումից հետո սեփական դարպասը գրավեց Ջանլուկա Մանչինին (տեսանյութ)։
Lրացուցիչ ժամանակում գոլ չգրանցվեց։
Հետխաղային 11-մետրանոցներն ավելի հաջող իրացրին «Սեւիլիայի» ֆուտբոլիստները` 4:1 (տեսանյութ)։ «Ռոմայից» վրիպեցին Մանչինին եւ բրազիլացի պաշտպան Ռոժե Իբանիեսը։
«Սեւիլիա»․ Բոնո, Տելես, Գուդել, Բադե, Նավաս, Ռակիտիչ, Ֆերնանդո, Խիլ, Տորես, Օկամպոս, Էն-Նեսիրի։
«Ռոմա»․ Պատրիսիու, Սմոլինգ, Մանչինի, Իբանիես, Չելիկ, Մատիչ, Կրիստանտե, Սպինացոլա, Դիբալա, Աբրահամ, Պելեգրինի։
Ռուսաստանն «Орешник» բալիստիկ հրթիռ է արձակել Ուկրաինայի ուղղությամբ. ՌԴ նախագահ 
