«Ակտիվ քաղաքացի» հարթակում քվեարկության է դրվել հերթական նախագիծը. մինչև օգոստոսի 31-ը` ժամը 14:00-ն, քաղաքացիները կարող են քվեարկել Հայաստանի ազգային հերոս Շառլ Ազնավուրի քանդակի նախընտրելի նախագծի օգտին:
Քաղաքապետարանից հայտնում են, որ մեծանուն շանսոնյեի ծննդյան 100-ամյակին նվիրված միջոցառումների ընթացքում 2024թ. հուշարձանը կտեղադրվի Երևանի Ֆրանսիայի հրապարակում:
Քանդակի նախագծի ընտրության համար հայտարարվել էր բաց մրցույթ, որի ընթացքում ստացված 37 հայտ-էսքիզները կներկայացվեն հատուկ ձևավորված հանձնաժողովի քննարկմանը: Հարթակում առավելագույն ձայներ ստացած էսքիզ-նախագիծը կներառվի և կարտացոլվի հանձնաժողովի քվեարկության արդյունքներում:
Փոխքաղաքապետ Տիգրան Ավինյանը նշել է, որ 50 տոկոսով հաշվի կառնվեն «Ակտիվ քաղաքացի» հարթակի կարծիքները, 50 տոկոսով՝ մասնագիտական խմբի կարծիքը:
Նիկոլ Փաշինյանը պատմել է, թե ինչու է որոշել սափրվել 
