Նախագահի թեկնածու Րաֆֆի Հովհաննիսյանի նախընտրական շտաբի մամուլի խոսնակ Հովսեփ Խուրշուդյանն այսօր լրագրողների հետ հանդիպման ժամանակ անդրադառնալով երեկ կայացած նախագահական ընտրությունների ժամանակ արձանագրված ընտրախատումներին դրանք բաժանեց 4 մասի: Առաջին խոշոր խախտումը Խուրշուդյանը համարեց ընտրակաշառքի համատարած բաժանումը, ապա ` բաց և վերահսկելի քվեարկությունը, այնուհետև` լրացուցիչ ընտրացուցակների կեղծ և անհիմն օգտագործումը: Չորրորդ խոշոր խախտումը Խուրշուդյանը համարեց թանաքների շուտ անհետացման հանգամանքը.«Այդ թանաքը չէր դիմանում 12 ժամ»,-առանձնացրեց նա:
Րաֆֆի Հովհաննիսյանի շտաբի մամուլի քարտուղարը ընդամենը 2 օրում հավաքել և ամբողջացրել է 121 կետանոց ընտրախախտումների ցուցակ, որոնցից զգալի մասը փաստագրված են:
Նա ասաց նաև, որ նյութեր են նախապատրաստում, որ ընտրությունների արդյունքները բողոքարկեն:
Նշենք, որ այսօր ժամը 17.00-ին «Ժառանգություն» կուսակցության առաջնորդ Րաֆֆի Հովհաննիսյանը ասուլիս է տալու Ազատության հրապարակում, որտեղ էլ կտա այս ընտրությունների քաղաքական գնահատականը:
Փաշինյանը նշել է Թուրքիայի և Ադրբեջանի հետ երկաթուղային կապերի բացման համար տեխնիկական խնդիրների լուծման ժամկետները 
