Ամենաքիչ ձայներ հավաքած ՀՀ նախագահի թեկնածուն մինչ ընտրությունները խոսել էր ընտրությունների արդյունքների մասին և հիմա կարծում է, որ այլևս ոչինչ չունի ասելու:
Այս մասին Yerevannews.am-ի հետ զրույցում նշեց ՀՀ նախագահի թեկնածու, ԼՂՀ նախկին արտգործնախարար Արման Մելիքյանը:
«Ես ընտրությունների արդյունքի մասին հայտարարություն տարածել եմ նախապես, որ ընտրությունները կեղծված են: Ես դրա համար ունեմ տվյալներ, որոնք հրապարակել եմ:
Ընտրությունները կեղծված են և այս դեպքում պետք է խոսենք կես միլիոն հավելագրված ձայների մասին: Այն մարդկանց ձայների մասին, ովքեր Հայաստանում չեն և նրանց ձայները կեղծարարների կողմից հավելագրվել են»,-իր խոսքում նշեց Արման Մելիքյանը:
Վերջինս նշեց, որ այսօր չի պատրաստավում մասնակցել Րաֆֆի Հովհաննիսյանի հանրահավաքին, քանի որ այն անիմաստ գործողություն է համարում:
«Ես անիմաստ եմ համարում նման գործողություններին դիմելը, երբ կարող էր կանխավ քայլեր ձեռնարկել, որպեսզի այսպիսի վիճակ չստեղծվեր»,-նշեց Արման Մելիքյանը:
Նշենք, որ Արման Մելիքյանը, ըստ ԿԸՀ-ի հրապարակած նախնական արդյունքների հավաքել է 3520 ձայն կամ 0.24 տոկոս:
Փաշինյանը նշել է Թուրքիայի և Ադրբեջանի հետ երկաթուղային կապերի բացման համար տեխնիկական խնդիրների լուծման ժամկետները 
