Գիշերային քնի քանակի կրճատումը կարող է բացասաբար ազդել մարդու՝ կյանքից գոհունակության վրա և հանգեցնել դժբախտության զգացումների: Այս եզրակացությանն են հանգել Արեւելյան Անգլիայի համալսարանի գիտնականները: Հետազոտության արդյունքները հրապարակվել են Psychological Bulletin-ում։
Բրիտանացի գիտնականների նոր գիտական աշխատանքը հիմնված է մարդու կյանքի որակի վրա քնի ազդեցության վերաբերյալ 154 նախորդ ուսումնասիրությունների արդյունքների վրա (մետավերլուծություն): Ընդհանուր առմամբ, ուսումնասիրություններին մասնակցել է 7-79 տարեկան ավելի քան հինգ հազար մարդ։ Գիտնականները փորձել են պարզել, թե ինչպես է գիշերային քնի տեւողությունն ազդում երջանկության սուբյեկտիվ զգացմունքների վրա:
Արդյունքները ցույց են տվել, որ եթե մարդը սովորականից քիչ է քնում, ապա դրական մտածելու կարողությունը նվազում է։ Մեկ ժամ քնելուց զրկելը կարող է առաջացնել դժբախտության զգացում: Սովորական քնի տևողության երեքից չորս ժամ կրճատումը կապված էր տրամադրության կտրուկ վատթարացման և կյանքից բավարարվածության նվազման հետ: Բացի այդ, մարդիկ, ովքեր շատ քիչ են քնել, ավելի հավանական է, որ դրսևորեն անհանգստության և դեպրեսիայի ախտանիշներ:
Հետազոտողները նաև պարզել են, որ գիշերային արթնացումների մեծ քանակությունը (կապված, օրինակ, փոքր երեխային խնամելու անհրաժեշտության հետ) էապես չեն մեծացնում դժբախտության զգացումները՝ համեմատած ընդհանուր քնի պակասի հետ:
