Ռուսաստանի պաշտպանության նախարար Սերգեյ Շոյգուի և Իրանի ռազմական գերատեսչության ղեկավար Մոհամմադ Աշտիանիի հեռախոսային բանակցությունների ընթացքում երկուշաբթի օրը քննարկվել են ռազմական, ռազմատեխնիկական համագործակցությունը և տարածաշրջանային անվտանգությունը, հայտնում է ՌԴ ՊՆ-ն։
«Բանակցությունների ընթացքում քննարկվել են երկկողմ ռազմական և ռազմատեխնիկական համագործակցության ընթացիկ հարցեր, մտքեր են փոխանակվել նաև տարածաշրջանային անվտանգության հարցերի շուրջ»,- ասված է ՌԴ ՊՆ հաղորդագրության մեջ։
«Ռուսաստանի պաշտպանության դեպարտամենտի ղեկավար, բանակի գեներալ Սերգեյ Շոյգուն նշել է, որ Մոսկվան և Թեհրանը հետևողականորեն մեծացնում են համատեղ ջանքերը՝ իրապես հավասար բազմաբևեռ աշխարհ կառուցելու շահերից ելնելով»,- ասվում է հայտարարության մեջ։
«Կողմերը ընդգծեցին իրենց հավատարմությունը ռուս-իրանական հարաբերությունների հիմնարար սկզբունքներին, ներառյալ միմյանց ինքնիշխանության և տարածքային ամբողջականության անվերապահ հարգանքը, ինչը կհաստատվի Ռուսաստանի Դաշնության և Իրանի Իսլամական Հանրապետության միջև ստորագրման նախապատրաստվող միջպետական մեծ համաձայնագրում։ », - հայտնել է ՌԴ պաշտպանության նախարարությունը։
Ռուսաստանի պաշտպանության նախարարության հայտարարության մեջ ասվում է. «Հեռախոսազրույցն անցավ բարեկամական մթնոլորտում և դարձավ երկու պետությունների միջև ռազմավարական հարաբերությունների ամրապնդման հաջորդ քայլը»:
Ո՞վ է Դիմել Քյարամյանին՝ Աղազարյանի որդու քրգործով. հայտնի են անուններ. բացահայտում. «Ժողովուրդ» 
