Վահագն Դավթյանը արծաթե մեդալ է նվաճել Եգիպտոսի մայրաքաղաք Կահիրեում անցկացվող սպորտային մարմնամարզության աշխարհի գավաթի խաղարկության առաջին փուլում, որը վարկանիշային է Փարիզի Օլիմպիական խաղերի համար:
Վահագն Դավթյանը օղակների վարժության եզրափակիչում վաստակել է 14.500 միավոր: Այս վարժությունում եզրափակիչ դուրս եկած Հայաստանի երկրորդ ներկայացուցիչ Արթուր Ավետիսյանը 14.470 միավորով 4-րդն է:
Աշխարհի գավաթի խաղարկության առաջին փուլում հենացատկի եզրափակիչ է դուրս Հայաստանի հավաքականի առաջատար Արթուր Դավթյանը: Որակավորման փուլում Տոկիոյի Օլիմպիական խաղերի բրոնզե մեդալակիրը վաստակել է 15.000 միավոր եւ առաջին տեղով դուրս եկել եզրափակիչ:
«Եղել են ինձ ճնշելու փորձեր, բայց ռեկտորը հասկացել է, որ դա վատ հետեւանքներ կունենա ԵՊՀ–ի համար». Արայիկ Հարությունյան 
