Ջո Բայդենը չի պաշտպանել Ֆրանսիայի նախագահ Էմանուել Մակրոնի գաղափարը՝ արևմտյան երկրներից ռազմական հրահանգիչներ ուղարկել Ուկրաինա՝ Ուկրաինայի զինված ուժերը վարժեցնելու համար։ Այս մասին հայտնում է Politico թերթը՝ վկայակոչելով աղբյուրներ։

Նրանց խոսքով՝ Բայդենը Մակրոնի հետ վերջերս կայացած հեռախոսազրույցի ժամանակ մտահոգություն է հայտնել Ուկրաինա ՆԱՏՕ-ի զորքեր ուղարկելու հնարավոր հետեւանքների վերաբերյալ, որոնք կարող են հայտնվել կրակի գծում։ Նա նշել է, որ դա կարող է հանգեցնել հակամարտության սրման։ Ինչպես նշում է Politico-ն, այս զրույցի ընթացքում ԱՄՆ-ի և Ֆրանսիայի ղեկավարները «վերջնական որոշման» չեն եկել։

Ավելի վաղ Le Monde թերթը հայտնել էր, որ Մակրոնը ցանկանում է կոալիցիա ստեղծել Եվրամիությունում, որպեսզի համատեղ հրահանգիչներ ուղարկի Ուկրաինա։ Այս հարցը բարձրացվել է մայիսի 26-28-ը Գերմանիա կատարած այցի ժամանակ, այդ թվում՝ Գերմանիայի կանցլեր Օլաֆ Շոլցի հետ հանդիպման ժամանակ։