Հնդկաստանում բեռնատար և մարդատար գնացքների բախման հետևանքով զոհվել է 15 և վիրավորվել 60 մարդ։ Դրա մասին հայտնել է Press Trust of India պարբերականը։ Չի բացառվում, որ զոհերը կարող են ավելի շատ լինել։

Մահացածների թվում են նաև բեռնատար գնացքի մեքենավարն և երկրորդ մեքենավորը, ինչպես նաև մարդատար գնացքի անվտանգության աշխատակիցը։

Վարչապետ Նարենդրա Մոդին ցավակցություն է հայտնել վթարի հետևանքով մերձավորներին կորցրած հարազատներին։ Իշխանությունները խոստացել են զոհվածների ընտանիքներին փոխհատուցում վճարել։