Երեւանը Մոսկվայի հետ հարաբերությունների սառեցման ֆոնին շարունակում է շահ ստանալ ինտեգրացիոն նախագծերին մասնակցությունից, որոնցում ներկա է Մոսկվան, իսկ Ռուսաստանը շարունակում է մնալ Հայաստանի գլխավոր առեւտրային գործընկերը, «Իզվեստիային» տեղեկացրել է Հայաստանում ՌԴ առեւտրային ներկայացուցիչ Աննա Դոնչենկոն։
«Համամասնական հարաբերակցությամբ Հայաստանը միության անդամ պետությունների մեջ ստանում է ամենից շատ օգուտ եվրասիական ինտեգրումից։ Հանրապետության տնտեսության 35 տոկոսը, Հայաստանի եւ Եվրասիական տնտեսական հանձնաժողովի վիճակագրական կոմիտեների տվյալներով, «իրականացվում» է ի հաշիվ ԵԱՏՄ-ի»,- ասել է Աննա Դոնչենկոն։
Ռուսաստանը, չնայած քաղաքական անհամաձայնություններին, մնում է Հայաստանի ամենախոշոր արտաքին առեւտրային գործընկերը, ավելացրել է նա։ 2023թ. երկրների միջեւ ապրանքաշրջանառությունը գերազանցել է 7 մլրդ դոլարը։ Երեւանի խոշոր առեւտրային գործընկերների եռյակում են նաեւ ԱՄԷ-ն եւ Չինաստանը։ Եվրամիության բոլոր երկրների հետ առեւտրային գործողությունները 2023թ. հասել են 7,6 մլրդ դոլարի, ինչը համադրելի է Ռուսաստանի հետ արտահանման-ներմուծման գործողություններին։
