ԱՄՆ նախագահի հանրապետական թեկնածու Դոնալդ Թրամփը հայտարարել է, որ մահափորձի պահին, չնայած իր կյանքին սպառնացող վտանգին, իրեն լիովին ապահով էր զգում, քանի որ զգում էր աստվածային աջակցություն։
«Ամենուր արյուն էր հոսում, բայց ինչ-որ առումով ես ինձ շատ ապահով էի զգում, քանի որ Աստված ինձ հետ էր», - ասել է նա հինգշաբթի ելույթ ունենալով Միլուոկիում Հանրապետականների ազգային համագումարի ժամանակ:
Թրամփը նաև նշել է «ԱՄՆ Գաղտնի ծառայության քաջությունը», որոնք շտապեցին բեմ և ծածկեցին իրեն իրենց մարմիններով՝ չնայած շարունակվող կրակոցներին։
Բացի այդ, Թրամփը ասել է, որ Գաղտնի ծառայության դիպուկահարին հաջողվել է առաջին կրակոցով չեզոքացնել կրակողին և «շատ ավելի մեծ հեռավորությունից», քան հանցագործը կրակել է։
